Сместен на излезот од градот Берово (на патот кој води кон езерото), хотелскиот комплекс “Манастир” се одликува со традиционална манастирска архитектура, налик на манастирот Св. Архангел Михаил, до кој и се наоѓа. Располага со сместувачки капацитет од 60 легла распоредени во две крила, од кои и 2 delux апартмани. За туристите има обезбедено бесплатна безжична интернет конекција. Ресторанот е со капацитет за 64 особи, со ентериерот на етно – куќа, а летната тераса е со 60 места. Тука може да се вкусат локални специјалитети карактеристични за Малешевијата. За одржување на семинари, презентации и конференции комлексот располага со комплетно опремена голема сала со 60 седишта и мала сала за состаноци со 10 седишта. Хотелскиот комплекс ‘Манастир” во својата понуда содржи и терен за тенис, кој може да се пренамени во терен за фудбал или кошарка, детски парк со лулашки, изнајмување на велосипеди, сопствен паркинг простор.